Лондон бара конструктивен дијалог во Хонг Конг, Кина е против надворешно мешање во протестите

Од:

Велика Британија повика на конструктивен дијалог во Хонг Конг, каде илјадници демонстранти бараат од Пекинг повеќе политички слободи.

– Се надеваме дека идни преговори ќе помогнат за значителен напредок кон демократија и ги повикуваме сите страни на конструктивен дијалог, изјави портпарол на британското Министерство за надворешни работи.

Тој нагласи дека Лондон потпишал заедничка декларација со Пекинг, со која се утврдува какви треба да бидат условите за управување на територијата во период од 50 години, сметајќи од моментот на враќањето на Хонг Конг на Кина во 1997 година.

– Хонг Конг треба да го зачува правотона граѓаните на протест. Исто така е важно жителите на Хонг Конг да го користат тоа право согласно законот, се наведува во соопштението на Форин офисот.

Кина, пак, од своја страна се спротивставува на секоја надворешна сила, која поддржува незаконско движење како што е „Окупирај го центарот“.

– Пекинг е против секакво мешање на странска држава во внатрешните работи на Кина, соопшти кинеското Министерство за надворешни работи.

Протестите во Хонг Конг на социјалните мрежи беа наречени „Револуција на чадорите“. Жителите на поранешната британска колонија, која премина под кинеско управување, се навикнале на променливото време и ретко излегуваат надвор без чадор. Но се покажа дека освен за дожд, чадорот се употребува и за заштита од солзавец, па сега е на пат да стане и симбол на продемократските протести.

Би можело да ве интересира

Кинескиот суд одлучи: Затвор за лицата кои упаднаа во градското собрание во Хонг Конг

Горан Наумовски

Хонг Конг: Седуммина уапсени во случај на „перење“ 1,8 милијарди долари

Хонг Конг: Две лица ги загубија животите во поплавите, повеќе од 100 лица се повредени

ВИДЕО: Тајфунот фрла девојка на улица, вода продира низ зградите: Драматична снимка од невремето во Хонг Конг

(ВИДЕО) Силниот тајфун Саола го погоди Хонг Конг

Екстремен спортист загина во Хонг Конг додека се фотографираше