Лидерот на Хезболах, Хасан Насралах им се обрати на членовите на оваа милитантна група и на граѓаните на Либан по серијата експлозии на пејџери и други електронски уреди, за кои го обвини Израел.
– Она што ме натера денеска да зборувам се настаните што се случија во изминатите два дена, а за тоа се потребни зборови, проценка и став. Она што се случи во последните неколку дена очигледно бара од нас да заземеме став – рече Насрала на почетокот на својот говор.
Тој рече дека „израелскиот непријател целел многу пејџери“ и на тој начин „всушност ги преминал сите црвени линии“.
Тој додаде дека експлозиите „се случиле во болници и аптеки, во пазари, во продавници, во куќи, во автомобили и на улиците каде што имало многу цивили, жени и деца“.
– Сведоци сме на голем масакр низ државата, масакр невиден. Израелците ги прекршиле сите правила за конфликт – рече Насрала, нагласувајќи дека „Израелците имале намера да убијат 5.000 луѓе во еден миг.
Како што јавува Би-Би-Си, во Либан и северен Израел се слушнале сирени за воздушен напад, а израелската армија (ИДФ) врши напади врз Либан додека Насрала држи говор.