Либан и Израел ја продолжија втората рунда преговори со посредство на САД за спорните погранични води на истокот на Средоземното Море и се согласија да го продолжат дијалогот и утре.
Според американски медиуми, преговорите биле „сериозни“, а либанската делегација побарала на Либан да му се доделат дополнителни 1.430 квадратни километри.
Официјален Бејрут се надева дека откривање на резерви на фосилни горива во либанските територијални води би било важно за надминување на досега невидената економска и финансиска криза и за подобрување на динамиката на отплата на јавниот долг, што изнесува дури 170 проценти од БДП.
Израел веќе произведува доволно гас за свои потреби и за извоз во соседните Египет и Јордан.