Членовите на летонскиот Парламентот денеска избираат нов претседател на оваа балтичка земја.
За позицијата на претседателот во заминување Раимондс Вејонис се борат тројца политичари. Кандидатот со најдобри шанси е Егилс Левитс, 63-годишен судија во Европскиот суд на правда кој беше номиниран од коалициската Влада.
За избор на шеф на државата неопходно е апсолутно мнозинство од 51 глас од вкупно 100 пратеници во Парламентот. Ако ниту еден кандидат не ги добие неопходните гласови, гласањето ќе оди во втор круг.
Според неодамнешната промена на Уставот, претседателот се избира на јавно, наместо досегашното тајно гласање.