Лековите против холестерол ја намалуваат смртноста од Ковид-19

Од:

Стотици милиони луѓе низ светот користат лекови кои го намалуваат нивото на холестерол во крвта и го спречуваат ризикот од развој на срцеви заболувања. Едно ново американско истражување покажа дека „лековите против маснотии“, исто така, ја намалуваат смртноста од Ковид-19, пренесува порталот Медикал Њуз Тудеј.

Покрај нивната примарна цел, статините, исто така, имаат силно антиинфламаторно, антикоагулантно и антивирусно дејство, а сето тоа може да придонесе за намалување на компликациите поврзани со тешката клиничка слика на коронавирусот.

Затоа не е изненадувачки што група американски научници, вклучително и кардиолози кои се грижеле за лица заболени со Ковид-19, го испитуваат влијанието на статините врз оваа болест.

Тие го споредиле исходот од третманот на 1.296 пациенти хоспитализирани поради Ковид-19. Половина од нив редовно користеле статини пред инфекцијата, а половина не.

Научниците откриле дека употребата на статин кај испитаниците ја намалува смртноста за 50 проценти еден месец по хоспитализацијата.

Ова е најголемата студија од ваков вид досега спроведена, но не е единствената. Истражувањето спроведено минатата година во Сингапур покажа дека луѓето кои користат статини имаат помала веројатност да завршат на оддел за интензивна нега поради коронавирус отколку оние кои не ги земаат како вообичаена терапија.

Американско истражување, исто така, открива дека пациентите кои користат статини побрзо се опоравуваат од коронавирусот.

Научниците сметаат дека ова се случува бидејќи статините, покрај тоа што го намалуваат воспалението и ризикот од згрутчување, го отстрануваат холестеролот од надворешните обвивки на клетката. Рецепторите на кои се врзува САРС-КоВ-2, вирусот што предизвикува Ковид-19, се наоѓаат токму во делот на клеточната мембрана каде се таложи холестеролот. Без него, вирусот не може да навлезе во клетката, покажуваат резултатите од студијата.

– Ако клиничките истражувања ги потврдат резултатите, статините би можече да се покажат како евтина и ефикасна терапевтска стратегија во борбата против Ковид-19, изјави шефот на студијата, д-р Махеш В. Мадхаван, кардиолог од Медицинскиот центар Ирвинг на Универзитетот Колумбија во Њујорк.

Би можело да ве интересира

Tрет ден по ред во светот повеќе од 800 илјади новозаразени со коронавирус

СЗО: Стапката на нови инфекции се приближува до рекорд

Фајзер тестира нов лек против Ковид-19

Катерина Павлова-Николовска

Бразилскиот сој коронавирус мутира и може да стане уште поопасен, покажуваат истражувањата

Катерина Павлова-Николовска

Во САД одложена препораката за вакцината „Џонсон и Џонсон“

Мала хималајска нација за седум дена го вакцинираше целото возрасно население

Катерина Павлова-Николовска