Лекари во Полска одбиле да направат абортус, жената починала од сепса

Од:

Пред неколку дена во медиумите се појави веста за смртта на 33-годишната Дорота, која ненадејно почина во Полска. Дорота го чекала своето прво дете, а на 21 мај, кога била во петтиот месец од бременоста, отишла во болницата Подалански бидејќи почнала да губи плодова вода, верувајќи дека таа и детето таму ќе добијат соодветна помош и дека целата приказна ќе имаат позитивен крај.

Но, ноќта меѓу 23 и 24 мај, нејзината состојба нагло се влошила, добила сепса и починала. „Како што сме информирани, причина за смртта е септичен шок со повеќекратно откажување на органите“, изјави семејството на починатата за Газета Виборца. Болницата веќе објави соопштение во кое изразува сочувство до семејството на 33-годишната жена и наведува дека е „отворена за соработка со надлежните за расветлување на околностите за ненадејната смрт на пациентот“.

Семејството, но и голем број граѓани, за ваквата состојба ги обвинуваат лекарите и состојбата во државата. „Уште колку трагедии треба да има? Колку животи на жени мора да се жртвуваат? Не е ни чудо што жените се плашат да забременат во оваа болна средновековна земја“, напиша еден корисник на социјалните мрежи.

„Оваа смрт не требаше да се случи“, „Јас сум без зборови, животните во природата имаат поголеми шанси да преживеат при породување од жените во нашите болници“, „Страшно е, три дена без плодова вода? Што чекаа лекарите?”, напишаа другите во коментарите. Многумина ги обвинуваат не само лекарите туку и актуелната власт и се убедени дека 33-годишната жена немаше да умре доколку плодот беше отстранет веднаш по губењето на плодовата вода.

Би можело да ве интересира

Полска: Претреси на неколку локации кои се дел од истрагата за наводна руска шпионажа

Горан Наумовски

Пијан провалил во козметички салон во Полска и заспал, го разбудила полицијата

(ВИДЕО) Тепачка, солзавец и шок бомби: Полициска пресметка со земјоделците во Варшава

Полска: Подготвени сме да го браниме НАТО од секаков напад

Тенк прегази двајца војници во Полска: Едниот загина, другиот во критична состојба

(ВИДЕО) Два тона ѓубриво фрлени пред домот на рускиот амбасадор во Полска

Горан Наумовски