Турција постојано ги нарушува воздушните пространства над Сирија и Грција, но не се случуваат никакви инциденти како вчерашниот со Су-24, изјави рускиот министер за надворешни работи Сергеј Лавров.
Во Турција треба да се направат напори такви напади да бидат целосно недозволени, нагласи министерот.
– Во разговорот денеска со турскиот министер слушнав жалење, сочувство, но се останато беше кон оправдување на турскиот став. Фактите кои јас ги посочив, и за односот на Турција кон непочитувањето на воздушното пространство од страна на нејзини авиони на истата таа Сирија и за тоа дека турски авиони во реонот на Егејско Море навлегуваат во воздушното пространство на Грција по 1,5 илјади пати во годината и Грција постојано протестира за тоа. Но, без резултати, вели Лавров.
Руското Министерство за одбрана соопшти дека Су-24 се наоѓал над сириска територија и не го нарушил воздушното пространство над Турција.