Лавров се сретна со Коно

Русија и Јапонија се договорија да ги продолжат разговорите за конечно постигнување мировен договор после Втората светска војна, изјави денеска рускиот министер за надворешни работи Сергеј Лавров по средбата во Токио со шефот на јапонската дипломатија Таро Коно.

– Во врска со мировниот договор, ревносно ги извршуваме задачите кои ги зададоа претседателот на Русија Владимир Путин и премиерот на Јапонија Шинѕо Абе. Значајно ги интензивиравме контактите меѓу министрите за надворешни работи и замениците министри. Денеска се договоривме за нови состаноци во врска со мировниот договор, рече Лавров.

Тој истакна дека интензивирањето на преговорите не значи дека двете држави ги доближиле ставовите.

– Постојат уште многу проблеми. Меѓутоа, се договоривме да не откриваме детали од преговорите, рече Лавров.

Тој исто така информира дека на состанокот со Коно е договорена и средба меѓу Путин и Абе на маргините на самитот на Г20 во Осака, на 29 јуни.

Би можело да ве интересира

ВИДЕО: Над 10.000 луѓе во Москва бараат одржување чесни избори

Татјана Ташкова

САД со нови санкции кон Русија поради задржаните украински морнари

Ана Ололовска

„Блиц“: Путин, доживотно? Кремљ презеде чекор со кој рускиот лидер може да ја задржи власта

Ана Ололовска

Студиото за анимација во Јапонија било запалено поради украдена идеја

Ана Ололовска

Украина и Русија договорија размена на затвореници

ВИДЕО: Во подметнатиот пожар во Јапонија загинаа 33 лица