Изјавите на анонимни функционери на Пентагон за напад што ќе го „обезглави Кремљ“ всушност се закани за обид за атентат врз претседателот на Русија.
Ова го изјави министерот за надворешни работи Сергеј Лавров во интервју за ТАСС.
„Вашингтон го презема водството во ова, бидејќи некои анонимни функционери од Пентагон всушност се закануваат дека ќе извршат напад врз Кремљ, што всушност е закана за атентат на рускиот претседател“, рече Лавров.
Тој исто така предупреди дека „ако некој навистина размислува за такви идеи“, мора да биде свесен за „можните последици од таквите планови“.
Шефот на руската дипломатија во интервју за ТАСС потсети и на бројните сигнали од Западот во врска со конфронтацијата која би била поврзана со нуклеарната сфера и изјави дека поранешната британска премиерка Лиз Трас е еден од тие примери, со нејзината изјава за време на изборите кога како што истакна Лавров, таа рече дека е подготвена да нареди нуклеарен напад.
Лавров рече и дека САД и нивните сојузници во НАТО се обидуваат да ја поразат Русија на бојното поле за да ја уништат.