Рускиот министер за надворешни работи Сергеј Лавров вчера во Москва во разговор со претседателката на Меѓународниот комитет на Црвениот крст (МКЦК) Мирјана Шпољариќ изјави дека Украина флагрантно го крши меѓународното хуманитарно право.
Тој изрази очекување дека МКЦК ќе продолжи и ќе ги зајакне своите напори во решавањето на проблемот со посетите на заробените Руси и обезбедувањето на нивните права. Многу од заробените Руси биле подложени на тортура и други нехумани методи од страна на украинскиот режим, рече Лавров, пренесе Тас.