Шест деца се затрупани од лавина во руската република Тува, соопшти националната служба за вонредни состојби. Децата се заробени под снег, со висина од 5 до 6 метри, а наносот е широк 200 и долг 600 метри.
Во спасување на децата ангажирани се 48 лица, но се очекува екипата да се зголеми за околу 70 спасувачи.
Од регионалниот центар за спасување во Сибир испратен е специјален авион Ан-74 кој ќе ги пренесе спасувачките тимови до местото на несреќата.
Елена Георгиевска