Лабуристичката партија нема да го поддржи договорот за Брегзит

Од:

Лабуристичката партија ќе ги отфрли промените договорени со ЕУ за договорот за Брегзит, за кој денеска ќе се гласа во британскиот Парламент.

Британската премиерка Тереза Меј синоќа во разговор со претседателот на Европската комисија Жан-Клод Јункер успеа да обезбеди „правно обврзувачки“ промени во нејзиниот договор за Брегзит, во последниот обид да добие поддршка од британските пратеници кои се заканија дека повторно ќе го отфрлат договорот. Правно обврзувачкиот договор всушност е додаток на претходно постигнатиот договор меѓу Меј и ЕУ минатата година и предвидува заштитен механизам со кој се гарантира дека границата меѓу Република Ирска и Северна Ирска ќе остане отворена и по излезот на Британија од ЕУ.

Лидерот на главната британска опозициска партија, Џереми Корбин, истакна дека гаранциите на премиерката Меј во нејзиниот договор за Брегзит не се ни близу до промените што ги вети на пратениците.

„Преговорите на премиерката не успеаја. Договорот постигнат вчера со Европската комисија не содржи ништо од промените кои Тереза Меј ги вети на Парламентот. Поради тоа, пратениците денеска треба да го отфрлат договорот“, напиша Корбин на Твитер.

Доколку пратениците повторно го отфрлат текстот, тогаш постојат две можности или Велика Британија да ја напушти Унијата на предвидениот датум без Договор, што би можело да предизвика потреси во самата земја, но и во ЕУ, или пак Меј да побара одлагање на Брегзитот со цел да добие дополнително време за усогласување на условите за „разводот“ меѓу двете страни.

Би можело да ве интересира

ВИДЕО: Нови протести на климатските активисти во Британија и Франција

Што може да значи Брегзит за британскиот фудбал?

Ана Ололовска

ЕУ: Преговарачите се согласија да ги продолжат разговорите за Брегзит

ВИДЕО: Милиони луѓе учествуваат во глобалните протести за климата

ЕК: Договорот со Лондон мора да содржи целосно изводливо и законско оперативно решение

Ана Ололовска

Џонсон може повторно да го суспендира Парламентот