„Ла Пренса“објавија празна насловна страница

Од:

Најстариот и најчитаниот весник во Никарагва „Ла Пренса“ вчера излезе со празна насловна страница во знак на протест поради тоа што Владата не дозволува увоз на мастило, хартија и други материјали за печатење весници.

– Можете ли да го замислите животот без информација? е наведено на насловната страница на „Ла Пренса“, при тоа жалејќи се дека Владата на левичарскиот претседател Даниел Ортега го попречува снабдувањето со материјали потребни за печатење веќе 20 недели.

– Не знам уште колку долго можеме да печатиме весници. Можеби уште два месеца, можеби само уште утре, изјави диркеторот на „Ла Пренса“, Жаим Чаморо.

Организациите за заштита на човековите права и независните медиуми тврдат дека Владата на Ортега ја загрозува слободата на изразување.

„Ла Пренса“ тврди дека царината добила наредба од Владата да го спречи увозот на хартија и на мастило за да се освети за критичкото пишување за политичките тензии во Никарагва.

Од април минатата година земјата минува низ најтешката криза од граѓанската војна во 80-тите години од минатиот век. Според Нигарагванскиот центар за човекови права, група која се наоѓа на владината црна листа, за време на протестите загинаа над 300 луѓе, а повеќе од 500 се уапсени.

Групите за заштита на човековите права наведуваат дека четири радио станици и една телевизија се затворени, а десетици новинари се претепани.

Владата на Ортега тврди дека во земјата има слобода на изразување и ја обвинува опозицијата дека се обидува да ја собори.

Би можело да ве интересира

ЕУ санкциите против Никарагва продолжени за уште една година

Тропската бура „Џулија“ стигна до Никарагва, оштетени стотици куќи

Ана Ололовска

Ортега: Католичката црква е совршена диктатура и совршена тиранија

Бајден им забрани на претседателот на Никарагва и неговите министри да влезат во САД

Ана Ололовска

ЕУ го осуди автократскиот режим во Никарагва по претседателските избори

А1он

Ортега обезбеди реизбор за четврти мандат на изборите во Никарагва

Ана Ололовска