Курти ги повика Албанците во САД да гласаат за Бајден

Од:

Лидерот на најголемата косовска опозициска партија, Движење Самоопределување (ВВ), поранешниот косовски премиер, Албин Курти, ги повика Албанците кои живеат во САД на претседателските избори на 3 ноември да гласаат за демократскиот кандидат Џо Бајден.

Во видео-пораката што вечерва ја објави на неговата страница на Фејсбук, Курти вели дека гласот за Бајден, наспроти актуелниот американски претседател Доналд Трамп, „е глас за јакнење на заедничките вредности за правда, слобода, самоопределување и можности за сите“.

– Уште од 90-те години, Џо Бајден беше непоколеблив поддржувач на Албанците на Балканот. Беше меѓу првите кој укажа на српскиот фашизам во епохата на (Слободан) Милошевиќ, кој повика на американска интервенција во Босна, а потоа и во Косово, кој побара кривично гонење на српските воени злосторници и кој ги поддржа независноста и признавањето на Република Косово, рече Курти.

Според лидерот на косовската опозиција, „Албанците имаат само еден вистински пријател и еден докажан сојузник, а тоа е Бајден и Демократската партија“.

Курти беше премиер на Косово од 3 февруари до 3 јуни годинава, а меѓу главните причини поради кои беше сменет од страна на неговите дотогашни коалициски партнери се нагласуваше тоа што ги залади односите на Косово со администрацијата на американскиот претседател Трамп, посебно со неговиот специјален пратеник за преговорите меѓу Косово и Србија, Ричард Гренел.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски