Курц кажа „не“ за мигрантите од запалениот камп Мориа на Лезбос

Од:

Австрискиот канцелар Себастијан Курц не дозволува Австрија да прими бегалци од изгорениот бегалски камп Морија, на грчкиот остров Лезбос.

Во видео порака објавена на Фејсбук, Курц истакна дека не може да го прифати недостојниот систем за човештвото од 2015 година, кога почна мигрантската криза.

Тој најави дека Австрија ќе помогне на самото место за да се обезбеди достоинствено снабдување со луѓе.

-Не станува збор само за Морија, туку и за другите места во светот, кои не се во фокусот на јавниот интерес, рече австрискиот канцелар.

Тој посочи дека ќе се залага за унифициран пристап на ниво на ЕУ.

-Тоа што не ни треба е симболична политика, подвлече Курц, алудирајќи на германско-француската иницијатива за прием на деца и млади од логорот Морија.

Според него, потребна е постојана поддршка за погодените региони, економска перспектива за африканскиот континент и ефективна заштита на надворешната граница на ЕУ.

-Во летотот 2015 година имаше ужасни слики на железничката станица во Будимпешта, што доведе до тоа европската политика да подлегне под притисокот и да ги отвори границите. Потоа, прво тргнаа илјадници, па десетици илјади, и на крај еден милион луѓе, а шверцерите заработија огромни пари, додека многу луѓе се удавија во море, рече Курц.

Курц во видео порака негираше дека Австрија не прави ништо за бегалците. Тој потсети дека Австрија годинава примила 3.700 деца, што е околу 100 деца неделно, кои добија позитивно решение за азил.

Би можело да ве интересира

Четири деца загинаа откако потона чамец со мигранти во близина на грчкиот остров Хиос

Ана Ололовска

Зехофер: Заштитата на границите е легитимна

Ана Ололовска

Папата Франциск ги повика земјите да не ги враќаат мигрантите од Либија

Околу 130 мигранти се во опасност да се удават во Медитеранот

Пронајдени девет мигранти од Индија во скопско возило кај Богородица: Возачот побегнал совозачот приведен

Катерина Павлова-Николовска

Повеќе од 1,7 милиони мигранти биле приведени во претходните 12 месеци на границата на САД со Мексико