Украинскиот министер за надворешни работи Дмитро Кулеба изјави дека украинските амбасади во Романија и Данска добиле „крвави пакети“, по другите амбасади на таа земја во светот.
Министерството за надворешни работи на Украина соопшти дека неодамна биле регистрирани повеќе од 20 слични случаи, кога амбасадите примиле пратки со силен мирис во кои имало животински очи, пренесува Ројтерс.
На 2 декември, украинската влада побара од странските влади да ја зголемат безбедноста во украинските амбасади.
Украинските амбасади и конзулати дополнително ги зајакнаа безбедносните мерки.