Крамп-Каренбауер беше во центарот на политичкиот скандал заради кој за време на викендот беше свикан и состанок на владејачката коалиција, со кој претседаваше канцеларката Меркел, откако во покраината Тирингија првпат беше избран премиер со помош на гласовите на десничарската „Алтернатива за Германија“.
Откажувањето од кандидатурата за канцелар предизвика различни реакции, германската левица е шокирана, а десницата е воодушевена.
Прв реагираше државниот секретар за Европа, социјалдемократот Михаел Рот, кој на “Твитер” напиша „Земјотресот продолжува“.
Dass die #CDU sich von der Linken abgrenzt, ist politisch logisch & demokratisch notwendig. Aber dass #AKK auf größtmöglicher Bühne erneut #dieLinke und #AfD gleichsetzt, ist fahrlässig, gefährlich & stellt die Weichen für einen weiteren Rechtskurs ihrer Partei. #AKKRuecktritt
— Michael Roth MdB ?? (@MiRo_SPD) February 10, 2020
Тој додаде дека по повлекувањето на Крамп-Каренбауер, уште понеизвесно е дали „пристојните демократи ќе останат обединети, без оглед на партиската припадност, во борбата за демократија и против национализмот“.
Нејзина заслуга беше одржување на ограничувањата на Унијата кон десницата, рече Кипинг.
Во исто време, веста за повлекувањето на Крамп-Каренбауер ја израдува “АфД”.
Александар Гауланд, претседател на пратеничката група на партијата, ја поздрави нејзината одлука и рече дека сега гледа шанса за доближување на “ЦДУ” и “АфД”.
Сосема е бесмислено и нереално трајно да се одбива соработка со “АфД”, рече Гуланд.