Конзервативците на Џонсон со убедлива предност пред лабуристите

Од:

Конзервативната партија на британскиот премиер Борис Џонсон има сериозна предност од 16 отсто пред опозициската Лабуристичка партија во пресрет на утрешното гласање во парламентот за тоа дали ќе има вонредни избори, покажува најновата анкета на Опиниум.

dobivaj vesti na viber

Според истражувањето на јавното мнение, поддршката за Конзервативната партија е порасната за три отсто во однос на претходната анкета од пред осум дена и сега изнесува 40 отсто, додека лабуристите останаа на 24 отсто, пренесуваат британските медиуми.

Проевропската Либерално-демократската партија падна за еден бод на 15 отсто, додека партијата Брегзит на Најџел Фараџ има 10 отсто доверба.

Џонсон, кого членовите на неговата партија во јули го избраа да го одблокира застојот околу Брегзит, предложи оддржување вонредни општи избори на 12 декември, откако претходно не успеа на време во парламентот да постигне договор за излегување на Велика британија од ЕУ на 31 октомври.

Пратениците утре ќе гласаат за тоа дали ќе има или не вонредни избори, но повеќето опозициски партии навестија дека ќе се воздржат од гласање или ќе гласаат против предлогот, што значи дека Џонсон веројатно нема да ја добие потребната двотретинска поддршка од пратениците за декемвриски избори

Редовните избори во Велика Британија треба да се оддржат во 2022 година.

Би можело да ве интересира

Русија им забрани влез во земјата на 154 членови на британскиот парламент

Ана Ололовска

Џонсон го убедувал Ердоган да соработува со Финска и Шведска за членството во НАТО

Ана Ололовска

Валас: Загриженоста на Турција за Шведска и Финска може да се реши

Ана Ололовска

Де Алмеида: ЕУ нема да ги продолжи преговорите за Брегзит со Велика Британија

Ана Ололовска

Велика Британија со најниска стапка на невработеност од 1974 година

Ана Ололовска

Над 8000 мигранти пристигнале преку Ла Манш во Велика Британија годинава

А1он