Конгресот ја бара личната преписка на првите луѓе на технолошките гиганти во анти-монополска истрага

Од:

Американскиот Конгрес денеска ја побара личната електронска кореспонденција и други документи на првите луѓе на технолошките компании во САД за да истражи дали постои монолизација на пазарот на онлајн услугите во земјата.

Комитетот за правда на Претставничкиот дом на САД побара од Амазон, Фејсбук, Епл и Алфабет (главната компанија под која потпаѓа Гугл), да ги предадат документите до 14 октомври. Конгресмените ги интересира книговодствени документи, електронски пораки и писма, и други и податоци поврзани со клучните деловни решенија и активности на овие компании во можно сузбивање на нивната конкуренција.

Лицата повикани од комитетот се првиот човек на „Амазон“, Џеф Безос, основачот на „Фејсбук“, Марк Закерберг, шефот на „Епл“, Тим Кук, како и Лари Пејџ, Сергеј Брин и Ерик Шмит, кои раководеа со „Гугл“ во првата фаза од постоењето на компанијата.

Џери Надлер, претседавач на Комитетот за правда, истакна дека постојат докази дека група на компании „окупирала огромен дел од пазарот со онлајн маркетинг и комуникации“.

Документите што се бараат ќе помогнат во тоа Конгресот да дознае повеќе за можната монополизација на пазарот со онлајн услугите во САД.

Би можело да ве интересира

Соперниците на Блумберг го обвинуваат дека сака да го купи гласањето на изборите

Ана Ололовска

Блумберг разгледува опции Хилари Клинтон да биде потпретседател

Ана Ололовска

Трамп до Русија: Престанете да ги поддржувате ѕверствата на Асад во Сирија

Ана Ололовска

Трамп со закани да не споделува информации со европски држави што работат со „Хуавеи“

Ана Ололовска

Од сезонскиот грип во САД починале 14.000 лица

Ана Ололовска

Рохани: Иран никогаш нема да преговара со САД под притисок