Конгресмен ги тужи Трамп и Џулијани за нередите во Капитол

Од:

Бени Томпсон, конгресмен демократ од Мисисипи, денеска поднесе тужба против поранешниот претседател Доналд Трамп и неговиот адвокат Руди Џулијани, обвинувајќи ги за насилството и нередите во Капитолот на 6 јануари.

Томпсон го предводи Одборот за внатрешна безбедност при Претставничкиот дом. Тужбата е поднесена во федералниот окружен суд во Вашингтон.

-Нередите се резултат на внимателно испланиран план од страна на Трамп, Џулијани и екстремистичките групи како „Заштитници на заклетвата“ (Oath Keepers) и „Горди момчиња“ (Proud Boys), кои се раководеа од една цел – стопирање на сертификацијата на резултатите од гласањето на Изборниот колеџ со заплашување, притисок и закани, се вели во изјавата на правниците.

Тужбата на Томпсон е првата од повеќе очекувани приватни судски тужби од останати конгресмени поради насилниот упад во Конгресот на САД на стотина демонстранти, поддржувачи на тогашниот претседател Трамп, што се случи годинава на 6 јануари.

Во тужбата, не се наведени конкретни казнени мерки и не е наведена конкретна сума за исплата на отштета.

Би можело да ве интересира

Бајден номинира пет жени за клучни позиции во Стејт департментот

Жарко Настоски

Москва ја поздрави најавата на Бајден за деескалација на односите меѓу Русија и САД

Жарко Настоски

Русија го возвраќа ударот: Десетмина американски дипломати ќе мораат да ги пакуваат куферите

Жарко Настоски

Американскиот претседател отсега нема да може сам да одлучи земјата да истапи од НАТО

Жарко Настоски

САД реагираат на идеите за прекројување на границите: Го поддржуваме суверенитетот и територијалниот интегритет на БиХ

Жарко Настоски

Полицаецот кој го уби Џорџ Флојд одбива да сведочи, се повика на Петтиот амандман

Жарко Настоски