Комунистичката партија на Шпанија одржа голем митинг во провинцијата Сан Фернандо де Хенарес, каде што традиционално се одржуваатt нивните најголеми манифестации. Генералниот секретар на партијата, Хозе Луис Сентела (на сликата погоре), за време на говорот истакна дека “европскиот сон се претвори во ноќна мора” и дека е неопходно да се борат за единственото можно решение за оваа ситуација – “. Диктатурата на работничката класа”.
Комунистичката партија е трета по големина партија во Шпанија, и е најголемиот член на коалицијата “Обединета левица” (Izquierda Unida) и има силно влијание врз најголемиот работнички синдикат во земјата, “Работнички совети” (Comisiones Obreras или CCOO).
Сентела истакна дека е потребна масовна мобилизација на работниците низ земјата за да се запрат мерките за штедење и анти-работничките потези наметнати од страна на актуелната власт. Таа, исто така, забележува дека премиерот Маријано Рахој треба да одржи референдум на кој народот ќе се праша дали се согласува со овие мерки за штедење. Да потсетиме, поранешниот грчки премиер Јоргос Папандреу се обиде да распише таков референдум и беше отстранет од функцијата во рок од 48 часа.
“Оваа Европа е во служба на пазарот на капитал и треба да тргнеме во офанзива со цел да изградиме една нова Европа, и во склоп на офанзивата да ја протуркаме идејата за диктатура на организираната работничката класа”, рече Хозе Луис Centella. “Треба да изградиме алтернативи за да покаже дека е можен напредок и со тоа да ставиме крај на овој експлоататорски систем”, заклучи Сентела.