Американските безбедносни агенции денеска ги предупредија приватните компании поврзани со одбранбениот сектор за можни кибер напади „спонзорирани од Русија“.
Федералното биро за истраги, Агенцијата за национална безбедност и Агенцијата за кибернетска и инфраструктурна безбедност регистрирале такви тенденции најмалку од јануари 2020 година до февруари 2022 година, се вели во заедничкото соопштение на американските безбедносни агенции.
Како што беше најавено, тие континуирани упади им овозможиле на хакерите да добијат чувствителни, некласифицирани информации, како и технологија во сопственост на ЦДЦ.
„Добиените информации обезбедуваат значителен увид во развојната рамка и временските распореди за имплементација на платформите за оружје на САД, спецификациите на возилата и плановите за комуникациска инфраструктура и информатичка технологија“, се вели во соопштението.
Агенциите ги повикаа сите приватни компании кои имаат дозвола за пристап, примање или складирање доверливи информации, да ги применат препорачаните контрамерки, без разлика дали има докази дека се загрозени од штетни кибер активности.
Извор: МИА