Комичарот Зеленски освои најмногу гласови на изборите во Украина

Од:

Комичарот Володимир Зеленски освои најмногу гласови на претседателските избори денеска во Украина, но не доволно за да победи уште во првиот круг, покажуваат излезните анкети.

Зеленски, според анкетите, освои 30,4 отсто од гласовите, додека на второ место е актуелниот претседател Петро Порошенко со 17,8 отсто од гласовите.

Поранешната премиерка Јулија Тимошенко е на трето место со поддршка од 14,2 отсто од гласачите.

Ова се излезни анкети базирани на речиси 18.000 испитаници од околу 400 избирачки места.

На изборите во Украина силите ги измерија 39 кандидати, а анкетите пред гласањето покажуваа дека Зеленски, актерот кој го игра претседателот во популарна комична серија, има најголема поддршка од гласачите.

Истражувањата покажаа дека ниту еден од кандидатите нема да успее да освои 50 отсто плус еден глас, така што речиси е сигурно дека на 21 април ќе се одржи вториот круг, со двајца најдобро позиционирани кандидати.

Би можело да ве интересира

Кулеба го повика Западот да испрати системи за воздушна одбрана „Патриот“ во Украина

Горан Наумовски

Зеленски го разреши секретарот на Советот за национална безбедност

Политико: На Украина очајно и требаат војници

(ВИДЕО) Силни експлозии во Киев

Горан Наумовски

Одеса остана без струја, цел беше и регионот на Миколаев

Киев одговори на Русија: Тврдењата за наша вмешаност не заслужуваат ни критика

А1он