Кој е човекот кој сака да го уапси Путин – го следи обезбедување, но тој вели дека не се плаши

Од:

Може ли Владимир Путин да биде уапсен? Одговорот на тоа прашање го бара адвокатот кој се бори да го стави на обвинителна клупа – Карим Кан, главниот обвинител на Меѓународниот кривичен суд (МКС). Тој го обвини рускиот лидер за воени злосторства и го опиша случајот како „одлучувачки момент“ за меѓународната правда.

Британскиот адвокат, облечен во панцир и шлем при неговата посета на Украина, гледаше во напуштен украински сиропиталиште, а се верува дека меѓу илјадниците киднапирани од Русите се и децата кои живееле таму до неодамна. Како татко на три деца, Карим Кан беше видно трогнат покрај прозорецот, убеден дека како обвинител на Меѓународниот кривичен суд (МКС) може да стори нешто околу тоа.

„Можете да ги прочитате извештаите и да ги видите фотографиите, но ништо не е толку убедливо како да сте таму – на теренот“, рече 52-годишниот Кан по враќањето од првите редови, од негова четврта посета на Украина по руската инвазија.

„Во вашата глава ги спојувате децата, звуците на животот, со празни згради и креветчиња, ги отворате плакарите, ги гледате малите чевли и нивните играчки и сфаќате дека тоа не се бројки, тие се луѓе. Размислувам за низ што поминаа и знам дека законот мора да го заштити“, рече Кан.

Додека телефонот на Кан беше заглавен со честитки и барања за медиумите во петокот вечерта, тој рече дека чувствува „измешани емоции“ поради трагичните околности. Тој, исто така, го разбира обемот на предизвиците со кои се соочува судот. Изведувањето на Путин пред лицето на правдата би било неверојатно достигнување за синот на дерматолог и медицинска сестра роден во Единбург, кој студирал право на Кралскиот колеџ во Лондон, пишува Јутарњи лист.

Тој влезе во сферата на човековите права згрозен од настаните на Балканот, почнувајќи од канцеларијата на Меѓународниот кривичен суд за поранешна Југославија, но и затоа што неговото семејство е од сектата Ахмадија, која долго време се соочува со прогон во Пакистан.

Тој, исто така, ги бранеше сторителите, вклучувајќи го Саиф Гадафи, синот на либискиот диктатор и Тејлор, што тој го гледа како предност. Неговата крајна цел е да го оживее нарушениот углед на МКС, кој потроши повеќе од 1,5 милијарди фунти во своето 20-годишно постоење и осуди само десет луѓе. Во некои области, како што е употребата на сексуално насилство како оружје за војна, тој осудил само едно лице, иако стотици илјади жени биле силувани во војна во тие години. Со оглед на тоа дека оние кои му се спротивставуваат на Путин имаат тенденција да немаат среќа, Кан патува со обезбедување, но инсистира дека нема да го засили.

„Секогаш сум загрижен за безбедноста на жртвите или сведоците, но не се плашам од сопствената смрт. Ја работам мојата работа и знам што доаѓа со тоа“, вели Кан.

Би можело да ве интересира

На сослушувањето пред Хашкиот суд, Украина ја нарече Русија терористичка држава

Обвинителот кој издаде налог за апсење на Путин: Депортацијата на децата беше нехуманo

Во Хаг е отворен народен трибунал кој ќе истражува убиства на новинари ширум светот

А1он

Станишиќ и Симатовиќ осудени на по 12 години затвор во Хаг, не се виновни за повеќето дела

Жарко Настоски

ВИДЕО: Ми судеше НАТО-пактот, ќе бев загрижен да ме ослободеа, порачува Младиќ по пресудата

Жарко Настоски

Младиќ ќе остане во затвор до крајот на животот, Хашкиот суд ја потврди пресудата

Жарко Настоски