Европската унија и компанијата „AстраЗенека“ не успеаја да дојдат до напредок во разговорите за одложената испорака на вакцини против коронавирусот, соопшти синоќа еврокомесарката за здравство, Стела Кирјакидес.
„Жал ни е поради континуираниот недостаток на јасен план за испорака“, напиша Киркјакидес за Твитер.
Британските медиуми пренесуваат дека еврокомесарката посочува дека ЕУ побарала јасен план од „АстраЗенека“ за брза испорака на дозите што Унијата ги резервира за првиот квартал од оваа година.
ЕУ веќе една недела врши притисок врз „АстраЗенека“ да испорача повеќе дози од својата вакцина од фабриките во Европа и Велика Британија, откако компанијата соопшти дека ќе има одложување, што би го нарушило планот за имунизција во ЕУ.