Владата на Киргистан испрати официјално писмо до Турција, во кое се посочува сумата на материјалните штети нанесени врз земјата откако турскио товарен авион се урна во јануари во близина на Бишкек, соопшти денеска вицепремиерот Мухаметкали Абулгазиев на средбата со жителите од населбата каде се случи несреќата.
Тој истакна дека веднаш по несреќата започнале преговори за плаќање на надомест од страна на Турција.
Освен тоа Турција изразила подготвеност да ги исплати материјалните трошоци за образованието на децата чии родители загинале при паѓањето на Боингот.
На 16 јануари турски „Боинг-747“, што леташе на линијата Хонконг-Бишкек-Истанбул, се урна при подготовките за слетување во Бишкек. При несреќата се срушија 26 куќи, загинаа 39 лица, вклучителни и четворица членови на екипажот, а 27 лица беа повредени.