Министерството за одбрана на Тајван соопшти дека утринава повеќе кинески бродови и авиони ја преминале демаркационата линија.
Тајван ги нарече воените вежби на Кина многу провокативни „без разлика дали станува збор за лансирање балистички ракети или намерно преминување на централната линија на теснецот“.
„Придржувајќи се до принципот на подготовка за војна, а не за барање војна, националната војска ќе работи заедно за цврсто да ги брани суверенитетот и националната безбедност“, се вели во тајванската изјава.
Тајванското Министерство за одбрана соопшти дека нивната војска подигнала авиони, испратила бродови и распоредила копнени ракетни системи за да ја надгледуваат ситуацијата откако кинеските авиони и бродови утринава повторно ја преминале средината на Тајванскиот теснец додека Кина спроведува големи воени вежби во зоните околу Тајван.
Војската на Тајван ќе се подготви за борба, но нема да бара војна, додаде Министерството за одбрана.
Our government & military are closely monitoring China's military exercises & information warfare operations, ready to respond as necessary. I call on the international community to support democratic Taiwan & halt any escalation of the regional security situation. pic.twitter.com/uAoDAU2bMV
— 蔡英文 Tsai Ing-wen (@iingwen) August 5, 2022
Тајванската претседателка Цаи Инг-вен и се обрати на јавноста велејќи дека војската на Тајван е подготвена да одговори доколку е потребно.
Таа тоа го соопшти на својот официјален Твитер профил.
„Нашата влада и војска внимателно ги следат воените вежби на Кина и операциите за информативна војна, подготвени сме да одговориме по потреба. Ја повикувам меѓународната заедница да го поддржи демократскиот Тајван и да ја запре секоја ескалација на регионалната безбедносна ситуација“, рече Цаи Инг-вен. .