Големиот кинески ѕид бил 2.5 пати поголем отколку што се мислеше, соопшти кинескта управа за културно наследство.
Резултатите кои ги направила управата покажале дека вкупната должина на Кинескиот ѕид е 21.196 километри.
Едно истражување од пред пет години кое беше направено во соработка со Државниот завод за картографија објави привремени бројки кои изнесуваа 8851 км, односно околу 2.000 километри повеќе од претходно познатите.
Тој датира од пред повеќе од 2200 години. Направен е како заштита на Кина и владејачките династии од странските освојувачи.
Денес само 8,2 отсто од оригиналниот ѕид останале недопрени, а остатокот е во лоша состојба, објави Ксинхуа.
Кинескиот ѕид од 1987 година е заштитен од УНЕСКО.