Кина: Прашањето за Тајван е внатрешна кинеска работа, САД да не се мешаат

Од:

Кина ги обвини САД дека испраќаат „многу погрешни, опасни сигнали“ до Тајван, откако американскиот државен секретар вчера му кажа на својот кинески колега дека одржувањето на мирот и стабилноста во Тајван е од витално значење.

dobivaj vesti na viber

Тајван беше во центарот на 90-минутните, „директни и искрени“ разговори меѓу државниот секретар Eнтони Блинкен и кинескиот министер за надворешни работи Ванг Ји на маргините на Генералното собрание на ОН во Њујорк, информира американски претставник.

– Од наша страна, државниот секретар јасно стави до знаење дека, во согласност со нашата долгогодишна политика на една Кина, која не е променета, одржувањето на мирот и стабилноста во (тајванскиот) теснец е од витално значење, рекол изворот.

Кинеското Министерство за надворешни работи, во соопштението за средбата информира дека САД испраќаат „многу погрешни, опасни сигнали“ до Тајван и колку поотворени се активностите за независност на Тајван, толку е помала веројатноста за мирно решение.

– Прашањето за Тајван е внатрешно прашање на Кина и САД немаат право да се мешаат во тоа кој метод ќе се користи за да се реши, рекол Ванг.

Тензиите околу Тајван се зголемија по посетата на претседателката на Претставничкиот дом на американскиот Конгрес Ненси Пелоси во август – проследена со големи кинески воени вежби – како и по ветувањето на американскиот претседател Џо Бајден дека ќе го брани демократскиот остров.

Би можело да ве интересира

Русин откри: „Во САД е создадена хибридна верзија на корона, вирусот уби 80 отсто од заразените“

Ана Ололовска

(ВИДЕО) Големи протести во Кина поради мерките против Ковид: „Укинете го локдаунот“

Ана Ололовска

ВИДЕО: Паднал од брод за крстарење во Мексиканскиот залив, по 15 часа снимен во вода како мавта на спасувачите

Ана Ололовска

Федерална комисија на САД укина одобрување за нова опема од „Хуавеи“ и од „ЗТЕ“

Ана Ололовска

Повеќе од 600 масовни престрелки во САД оваа година

Во САД има недостиг на антиботици за деца

А1он