Кина почна со воени вежби во време на посета на американски официјален претставник на Тајван

Од:

Кина почна денеска борбени воени вежби во близина на Тајванскиот теснец, во истиот ден кога висок американски официјален претставник почна средби на високо ниво во Тајпеј.

Пекинг со зголемена загриженост го следи се поблискиот однос меѓу Тајпеј и Вашингтон и ги засили воените вежби во близина на островот, вклучително и дводневните масовни вежби за воздух и море од минатата недела.

Портпаролот на кинеското Министерство за одбрана, Рен Гуокианг изјави дека вежбите, за кои тој не даде детали, се одвиваат во близина на Тајванскиот теснец и во нив е вклучена источната команда на армијата.

– Тие се разумна, неопходна акција насочена кон моменталната состојба во Тајванскиот теснец и кон заштитата на националниот суверенитет и територијалниот интегритет, рече Рен, додавајќи дека Тајван е целосно внатрешна кинеска работа што не толерира мешање од странство.

Кинеската најава следи во момент кога американскиот потсекретар за економски прашања Кит Крач ја почна својата прва целодневна посета на Тајван тивко, без отворени настани во медиумите.

Државниот потсекретар на САД, Кит Крач ќе престојува во тридневна посета на Тајван, автономен остров за кој Кина смета дека е нејзина територија.

Крач ќе се сретне со тајванската претседателка Цај Ингвен и други високи тајвански претставници, соопшти денеска тајванското Министерство за надворешни работи.

Потсекретарот на Стејт департментот за раст, енергетика и животна средина е највисокиот службеник на таа институција кој го посетил Тајван во последните неколку децении.

Односите меѓу САД и Тајван беа официјално прекинати во 1979 година, но тие се уште се одржуваат неофицијално.

Би можело да ве интересира

Млади кинески милијардери заработиле 223 милијарди долари оваа година

Ана Ололовска

Помпео: Кина е предатор

Ана Ололовска

Кина: САД да престане да му продава оружје на Тајван

Ана Ололовска

Помпео: Уште шест кинески медиуми означени како странски мисии

Ана Ололовска

Трамп призна дека има сметка во кинеска банка

Ана Ололовска

Меѓусебни обвинувања меѓу Тајван и Кина по тепачка на прием по повод националниот празник на Тајван

Ана Ололовска