Кина одбива да учествува во втората фаза од истрагата за потеклото на коронавирусот

Од:

Планот на Светската здравствена организација за втората фаза од истрагата за потеклото на коронавирусот содржи јазик што не ја почитува науката и Кина нема да го следи, изјави на прес-конференција Зенг Јинсин, заменик-шеф на Државниот комитет за хигиена и здравје на кинеската република.

-Што се однесува до предлогот на СЗО за втората фаза од истражувањето, тој содржи јазик што не ги почитува науката и здравиот разум. Ние нема да следиме таков план, рече тој.

„Кинеските власти ги поддржуваат научните истражувања“, рече Зенг. Тој, исто така, истакна дека Кина „се спротивставува на политизирањето на истрагата за потеклото на коронавирусот и смета дека втората фаза треба да се темели на резултатите од првата фаза“.

Претходно, генералниот директор на СЗО, Тедрос Аданом Гебрејсус, соопшти дека организацијата се подготвува за втората фаза од истрагата за потеклото на коронавирусот САРС-КоВ-2 и очекува транспарентност од кинеските власти. Тој истакна дека првата фаза се соочувала со одредени проблеми. Едниот од нив тој го нарече „пристап до податоци, особено до податоците за почетокот на пандемијата“.

Гебрејсус, исто така, не ја исклучи можноста ширењето на коронавирусот да било резултат на „вонредна ситуација во лабораторијата“.

Кинеското Министерство за надворешни работи во својот одговор изрази надеж дека експертите на СЗО за време на новата фаза на истражувањето ќе посветат поголемо внимание на теоријата дека коронавирусот бил донесен во Вухан со замрзната храна и не се појавил како резултат на лабораториско протекување.

Би можело да ве интересира

СЗО: На Африка ќе и недостигаат околу 500 милиони вакцини

А1он

Една третина од Европејците чувствуваат зголемена анксиозност за време на пандемија

Пандемијата со Ковид-19 не го забави напредокот на климатските промени

Катерина Павлова-Николовска

СЗО и ФДА: Трета доза вакцина против Ковид засега не е оправдана

А1он

Виртуелна средба на министри за здравство, шефови на држави или влади и други високи функционери посветена на здравствените предизвици за паневропскиот регион

Ана Ололовска

Кина затвори цел град од 2,9 милиони жители поради 19 нови заразени

Катерина Павлова-Николовска