Кина ја критикува посетата на германската парламентарна група на Тајван

Од:

Кинеската влада денеска упати протест поради посетата на Тајван на група од шест германски пратеници.

Министерството за надворешни работи во Пекинг ја повика групата, предводена од членот на Бундестагот Питер Хајд од Слободната демократска партија (ФДП), „веднаш да ја прекине својата интеракција со сепаратистичките сили за независност во Тајван“.

Министерството во соопштение ги повика германските пратеници да не испраќаат „погрешни сигнали“ и да се придржуваат до таканаречениот принцип „Една Кина“.

„Тајван е неотуѓив дел од кинеската територија“, се вели во соопштението и се додава дека Тајван е виновен за ескалацијата на регионалната тензија.

Сепак, претседателот на Здружението за тајванско-германско парламентарно пријателство Хунг-Лу Чанг рече дека размената ќе продолжи и покрај притисокот од Кина.

– Протестот на Пекинг е бесмислен. Тајван е суверена држава. Парламентарната размена со другите земји е совршено оправдана. Тие доаѓаат во Тајван затоа што ни се наклонети, рече Чанг.

Шестмината пратеници од комисијата за човекови права на Бундестагот вчера пристигнаа во Тајван во четиридневна посета, што е втора посета на германска парламентарна делегација овој месец.

Извор: МИА

Би можело да ве интересира

(ВИДЕО) Во Кина: Експлозија на гас во ресторан, две лица загинаа, 26 се повредени

Горан Наумовски

Кина: Нема добро оправдување за масакрот на цивилите во Газа

Горан Наумовски

Кина најави дека ќе ја „трансформира економијата“, се очекува голем раст

Горан Наумовски

Земјотрес со јачина од 5,8 степени по Рихтер ја погоди границата меѓу Киргистан и Кина

(ВИДЕО) Голем пожар во Кина, загинаа најмалку 15 лица, 44 се повредени

Горан Наумовски

(ВИДЕО) Товарен брод во Кина удри во мост, има мртви: автомобили и автобус паднаа во реката