Кина инвестира 20 милијарди долари во петрохемиски комплекс

Од:

Кина инвестира 20 милијарди долари во петрохемиски проект во провинцијата Шандонг, во рамки на напорите за зајакнување на инфраструктурната потрошувачка, со цел да се поддржи економијата погодена од пандемијата на новиот коронавирус.

Проектот за рафинерија со капацитет од 400.000 барели дневно и за фабрика за етилен со капацитет од три милиони тони годишно во градот Јантаи, во провинцијата Шандонг, кој е центар на независните преработувачи на нафта, бил предложен пред повеќе години, но е одложен поради кинеските проблеми со вишокот капацитети за рафинирање.

Кинеската Национална комисија за развој и реформи, државен орган надлежен за планирање, вчера даде прелиминарно одобрение, што и овозможува на провинцијата Шандонг да започне со планирање на изградбата.

Приватната топилница за алуминиум Шандонг Наншан Груп, со седиште во Јантаи, ќе биде главен инвеститор со речиси 20 милијарди долари, а меѓу останатите инвеститори се и хемиската групација Ванхуа и покраинската влада на Шандонг.

Со проектот наречен Јулонг, дополнително ќе бидат зајакнати инвестициите во кинеската петрохемија, чиј предводник е приватниот сектор, привлекувајќи ги светските гиганти како што се германскиот БАСФ и американскиот Ексон Мобајл да вложуваат во изградба на комплекси во Кина, која е најголем светски потрошувач и увозник на петрохемиски производи.

Би можело да ве интересира

Индискиот премиер Моди во посета на воената база близу кинеската граница

А1он

Во карантин во Кина се ставени 95 руски морнари, кај еден имало антитела на коронавирус

Ана Ололовска

Кина: Британија ќе ги сноси последиците поради понудата на граѓаните на Хонг Конг

Ана Ололовска

Индиски и кинески команданти разговараа за прекин на судирите

А1он

Кина со контрамерки против четири американски медиуми

Ана Ололовска

Кина го прекина увозот на свинско месо од Холандија

Ана Ололовска