Кина ги увери денеска властите во Хонгконг во целосната поддршка против „незаконските протести“ во поранешната британска колонија.
– Ја поддржуваме целосно владата на специјалниот административен реон, за да се справи со проблемот од незаконските дејности, изјави портпаролката на кинеското МНР Хуа Чунин.
Претходно денеска главниот администратор на Хонгконг Леунг Чун-јинг повика за неодложен прекин на продемократските протести.
Движењето „Окупирај го центарот“, кое е движечки фактор за демонстрациите, го отфрли тој апел.
– Ако Леунг поднесе оставка, „окупацијата“ ќе биде прекината, барем времено, изјави еден од протестните лидери.