Кинеските медиуми пренесуваат дека во Синџијанг, поради ширење на џихад се уапсени 139 лица, како предупредување за верските екстремисти од тој регион.
Весникот „Синџијанг дејли“ пишува дека локалната полиција во рок од два месеци уапсила 139 лица кои преку интернет ширеле верски екстремизам, вклучувајќи го и џихадот.
Претставникот на Светскиот конгрес на организацијата Ујгур, Дилшатз Реџит, за која што Пекинг смета дека е сепаратистичка група, рече дека не се работи за никакви повици за џихад, туку дека цел на кинеската влада е да ги спречи да не комуницираат преку интернет.
Елена Георгиевска