Киев огорчен поради изјавата на Марин Ле Пен за Крим

Од:

Украинското Министерство за надворешни работи изрази огорченост поради изјавата на кандидатот за претседател на Франција на екстремно десничарскиот Национален фронт, Марин Ле Пен, дека анексија на украинскиот полуостров Крим од страна на Русија „не е илегална”.

Како што јави ТАСС, во својата реакција изјавите на Ле Пен, Министерството ги нарече „непочитување на соверенитетот и територијалниот интегритет на Украина“. 

– Слични изјави и активности што го нарушуваат украинското законодавство, задолжително ќе имаат последици како што веќе беше случај со одделни француски политичари, на кои им беше забрането да ја посетуваат Украина, стои во соопштението. 

Украинската служба за безбедност веќе испратило писмо до Министерството за надворешни работи во врска со забраната за влез на Марин Ле Пен во земјата.

Се очекува одлуката за забраната да биде донесена уште денеска.

Марин Ле Пен во интервју за телевизијата БФМ ТВ изјави дека анексија на украинскиот полуостров Крим од страна на Русија „не е незаконска”. 

– Јас апсолутно не верувам дека постои илегална анексија. Имаше референдум, народот на Крим сакаше да и се приклучи на Русија, истакна лидерот на екстремнодесничарската партија.

Стратешкиот полуостров во Црното Море беше анектиран од страна на Русија во март 2014 година, по воената интервенција, по што следеше референдум за приклучување кон Русија, кој беше оценет како илегален од страна на Киев и на Западот.

Ова анексија ја предизвика најголемата тензија меѓу Западот и Русија по завршувањето на Студената војна. Во знак на одмазда, САД и Европската унија воведоа серија економски санкции кон Москва, кои се уште се во сила. Франција во рамки на санклциите ја поткажа продажбата на двата веќе завршени носачи на хеликоптери од типот Мистрал на Русија.

Ле Пен во интервјуто, исто така, повика и на воспоставување на „стратешки односи“ меѓу Франција и Русија во рамки на борбата против групата Исламска држава.

Би можело да ве интересира

Помпео со изјава за можните закани по безбедноста на екс-амбасадорот на САД во Украина

(Видео) Во Киев протести против проруските сепаратисти

А1он

Две дојави за бомби во центарот на Киев, евакуирани 1.500 луѓе

Во киевскиот храм започна црковната средба за создавање независна украинска црква

Наум Локоски

Рускиот новинар раскажа како било исценирано неговото убиство во Киев

Немири пред амбасадата на Русија во Киев

А1он