Казахстанскиот бизнисмен Мухтар Аблјазов, кој е обвинет за присвојување на шест милијарди долари од неговата поранешна банка, беше уапсен го близина на Ница во јужна Франција и се наоѓа во притвор. Абјазов денеска треба да се јави пред суд.
Мухтар Аблјазов е поранешен казахстански министер и претприемач. Тој избега од Казахстан во 2009 година, откако неговата банка беше конфискувана од Владата и прогласена за инсолвентна. Тој доби политички азил во Велика Британија во 2011 година.
Во јуни неговата сопруга и шестгодишната ќерка беа откриени во Италија и депортирани во Казахстан, што предизвика повици за оставка на италијанскиот министер за внатрешни работи, Анџелино Алфано, кому на 19 јули сепак не му беше изгласана недоверба.