Катар ги ослободи притворените норвешки новинари

Од:

Двајцата новинари на норвешката државна телевизија НРК се вратија денеска во своите домови, откако минаа 30 часови во притвор во Катар, бидејќи известуваа за проблемите на работниците мигранти во земјата, која идната година од 21 ноември до 18 декември ќе биде домаќин на Светското првенство во фудбал.

Катар е под засилен притисок од меѓународната јавност поради нехуман третман на странските работници ангажирани во земјата на изградба на фудбалските стадиони за потребните на Мундијалот, а организациите за заштита на човековите права посочуваат дека и покрај реформите властите во Доха треба да сторат многу повеќе на тој план.

Новинарите Халвор Екеланд и Локман Горбани беа притворени во понеделникот наутро додека известуваа во живо од мигрантски камп, а полицијата ги избриша снимките од нивните камери.

Катарските власти ги лишија новинарите од слобода под обвинение дека „упаднале на приватен имот и снимале без дозвола“, наведувајќи дека полицијата ја известил сопственикот на имотот, чиј идентитет не е објавен.

Норвешкиот премиер Јонас Стоере реагираше на веста за притворањето на новинарите, оценувајќи го тоа како „неприфатливо‘.

– Слободата на печатот е клучно во една функционална демократија. Тоа, исто така, ја покажува важноста на овогодишното доделување на Нобеловата награда за мир (на новинари), напиша норвешкиот премиер на својот Твитер профил.

Би можело да ве интересира

Извештај за безбедноста на новинарите: Продолжуваат заканите, притисоците и ограничувањата врз медиумските работници

Истражување: Над половина медиумски работници имаат потпросечни плати, во онлајн-медиумите секој трет е пријавен со полно работно време

Повеќе новинари беа убиени во 10 недели војна во Газа отколку за една година во сите други земји

Катар: Ќе продолжиме финансиски да ги поддржуваме нашите браќа и сестри во Палестина

ВИДЕО: Германскиот претседател го оставија половина час да чека на жешкото сонце во Катар

Најмалку 48 новинари загинаа во војната меѓу Израел и Хамас