Катар би можел да пренасочи дел од испораките на гас во Европа

Од:

На Катар ќе му треба помош од САД за да ги убеди купувачите на неговиот природен гас да пренасочат дел од неговите пратки во Европа во случај на конфликт меѓу Русија и Украина што ќе ги наруши руските испораки, изјави извор запознаен со дебатата.

dobivaj vesti na viber

Пренасочувањето на дел од пратките кон Европа ќе биде тема на разговорите меѓу катарскиот емир Тамим бин Хамад ал-Тани и американскиот претседател Џо Бајден следната недела во Вашингтон, истакна еден од изворите.

Администрацијата на САД разговараше во изминатите недели со Доха и другите големи производители на енергија за да утврди дали можат да помогнат во случај Русија да ја нападне Украина, а САД потоа да воведат санкции кон Москва.

– Доха може да помогне во случај на големо глобално нарушување, како што тоа го направи во 2011 година, за време на Фукушима, рече изворот, мислејќи на несреќата во јапонската нуклеарна централа.

Доха може да испрати одреден вишок гас во Европа, но тој вишок не е голем бидејќи најголемиот дел од гасот е резервиран за испораки решени со долгорочни договори, нагласи изворот.

– САД или некој друг ќе мора да ги убеди најголемите купувачи на катарски гас да дозволат дел од нивниот гас да биде пренасочен во Европа како краткорочно решение, додаде тој.

Долгорочно Катар очекува неговиот извоз на природен гас значително да се зголеми и ЕУ мора, доколку сака сигурно снабдување, да размисли за потпишување долгорочни договори за да избегне шокови во снабдувањето, смета изворот.

Извор: МИА

Би можело да ве интересира

Борел: Има недостиг од храна низ цел свет, а таму каде што ја има таа е скапа

Русија утре ја прекинува испораката на гас за Финска

Мишел: Европската геополитичка заедница би го олеснила процесот на пристапување во ЕУ

Ана Ололовска

Макрон: Европската политичка заедница е надополнување на процесот на пристапување во ЕУ

Ана Ололовска

Де Алмеида: ЕУ нема да ги продолжи преговорите за Брегзит со Велика Британија

Ана Ололовска

ЕУ вложува дополнителни 200 милијарди евра во одбранбените сили

Ана Ололовска