Карим Кан е новиот главен обвинител на Меѓународниот кривичен суд во Хаг

Од:

Претставници на 131 земја-членка на Меѓународниот кривичен суд синоќа во Њујорк одлучија британскиот адвокат Карим Кан да биде новиот главен обвинител на Трибуналот за воени злосторства, кој ќе ја замени Фату Бенсуда кога ќе и истече деветгодишниот мандат подоцна оваа година.

Кан кој ја вршеше функцијата помошник генерален секретар на Обединетите нации и неодамна водеше специјална истрага на ОН за злосторствата на Исламска држава, победи во вториот круг гласање и ја доби поддршката од 72 од 131 земја, па во јуни 2021 година ќе го започне својот деветгодишен мандат во Хаг.

Првата задача на Кан, кој е експерт за човекови права, е да обезбеди повеќе пресуди и со тоа да го зголеми легитимитетот на судот меѓу многу земји-членки на ОН кои одбиваат да ја признаат неговата надлежност, како што се САД, Израел, Русија и Кина.

Би можело да ве интересира

Шефот на Светската програма за храна на ОН по посетата на Јемен: Ова е пекол

САД се против истрагата на Судот во Хаг за злосторства над Палестинците

Убиени две лица, повреден дипломат при напад врз конвој на ОН во Конго

Судот одби привремено да ги ослободи Тачи, Селими, Весели и Красничи

Ана Ололовска

Хаг: Одбиено барањето за ослободување на Кадри Весели

Ана Ололовска

МНР ја потврди смртта на македонската дипломатка во мисијата на ОН

Катерина Павлова-Николовска