Канцеларијата за човекови права на ОН бара истрага за смртта на поранешниот претседател на Египет

Од:

Околностите што доведоа до смртта на поранешниот египетски претседател Мохамед Морси мора да бидат расчистени од страна на независно истражно тело, соопшти Канцеларијата на ОН за човекови права.

– Условите во притворот на Морси треба да бидат дел од истрагата, рече портпаролот на Канцеларијата на ОН за човекови права Руперт Колвил во Женева, и ја истакна загриженоста за пристапот на затвореникот до соодветна здравствена нега, семејството и адвокатите во текот на речиси шест години колку што беше зад решетки.

Истрагата треба да веднаш да ја спровде непристрасен орган кој е независен од органот што го притвори, додаде Колвил.

– Со оглед на тоа што поранешниот претседател Мохамед Морси беше во притвор на египетските власти за време на неговата смрт, државата е одговорна за тоа дали тој бил третиран хумано и дали се почитувале неговото право на живот и здравје, истакна тој.

Поранешниот египетски претседател Мохамед Морси, кој вчера почина за време на судење, денеска беше погребан во тајност во Каиро.

Морси вчера почина од срцев удар за време на судење за наводна шпионажа.

Ахмет, синот на Морси денеска на Фејсбук објави дека неговиот татко е веќе погребан во Каиро. На погребот присуствувале само членовите на семејството.

Египетското Министерство за внатрешни работи по смртта на Морси прогласи алармантна ситуација во земјата и ангажира дополнителен број полицајци. Исто така одобрен е и план „Ц“, кој овозможува покренување операции против терористички структури.

Би можело да ве интересира

Акцијата на египетските безбедносни сили е длабоко загрижувачка и неоправдана

Предраг Петровиќ

Ел-Сиси апелира на акција против земјите поддржувачи на тероризам

Во Египет седум лица осудени на смртна казна поради напад врз полицајци

Ана Ололовска

Египетската полиција упадна во независен медиум, приведен еден од уредниците

САД му се заканија на Египет со санкции за намерата да купи руски ловци „СУ-35“

Дански терорист наводно е одговорен за уривање на рускиот патнички авион во 2015 година