Канада им наложи на три кинески компании да го продадат својот удел во рударски проекти

Од:

Канада им наложи на три кинески компании да го продадат својот сопственички удел во клучни проекти за екстракција на минерали, сигнализирајќи жестока битка за важни суровини за производство на батерии за електрични возила.

Оваа наредба се однесува на Sinomine Rare Metals Resources со седиште во Хонг Конг и Chengze Lithium International и Zangge Mining Investment со седиште во Ченгду.

Отава ја донесе одлуката по „ригорозната проверка“ од страна на безбедносната и разузнавачката заедница, информираше министерот за индустрија Франсоа-Филип Шампањ.

– Иако Канада продолжува да ги поздравува странските директни инвестиции, ние ќе дејствуваме одлучно кога инвестициите ќе ја загрозат нашата национална безбедност и нашите клучни синџири за снабдување со минерали, како дома така и во странство, појасни министерката Шампањ.

На канадското барање веднаш одговори Кина, која ја обвини Отава дека ја користи националната безбедност само како изговор. Пекинг инсистира дека со наредбата за продажба на сопственичкиот удел, Канада ги прекршува пазарните и прописите за меѓународна трговија.

– Кина ја повикува Канада да престане со неразумните напади врз кинеските компании (во Канада) и да им обезбеди фер, непристрасна и недискриминаторска деловна средина, побара портпаролката на кинеското Министерство за надворешни работи Жао Лиџијан.

Цените на литиумот во изминатата година на физичкиот пазар се зголемени повеќе од тројно поради недоволната понуда, што според проценките на аналитичарите ќе биде карактеристика на пазарот и во наредните години.

„Ристад енерџи“ предвидува дека понудата на примарни минерали од литиум во 2025 година ќе биде за 8,5 отсто помала од вкупната побарувачка. Годинава ќе биде помала од побарувачката за околу 10 проценти.

Извор: МИА

Би можело да ве интересира

Кина ја нарече Америка земја која ги крши правилата

Во Кина драстично намален бројот на тешки случаи и смрт од Ковид-19

Ана Ололовска

Лунарната Нова година во Кина прославена без мерки против Ковид-19

Горан Наумовски

Кинески епидемиолог: 80 отсто од населението веќе имало корона, втор бран е малку веројатен

Кина пријави голем скок на бројот на хоспитализирани со коронавирус

Ана Ололовска

Албанските граѓани без виза ќе патуваат во Кина

А1он