Кан: Во Кашмир е можна нова Сребреница

Од:

Пакистанскиот премиер Имран Кан денеска предупреди на опасноста „во Кашмир да се повтори масакрот и етничкото чистење на муслиманите, како тоа што пред 24 години беше во Сребреница“.
„Зарем светот тивко ќе набљудува масакр и етничко чистење на муслиманите во Кашмир, како тоа што беше во Сребреница“, на Твитер наведе тој, а пренесе радио Слободна Европа.

„Сакам да ја предупредам меѓународната заедница, доколку дозволи тоа да се случи, дека ќе има сериозни последици и ќе предизвика реакции во муслиманскиот свет што го раздвижуваат радикализаицијата и циклусите на насилство“, додаде Кан.

РСЕ додава дека изјавата на пакистанскиот премиер следи откако Индија на 5 август го укина специјалниот уставен статус на Кашмир, во обид целосно да го интегрира единствениот регион со мнозинско муслиманско население.

Кашмир е под опсада повеќе од седум дена, со прекината мобила и фиксна телефонија, интернет мрежи и ограничувања, како што е полицискиот час, со кој на луѓето им се забрануваат собири.

Индиските власти вчера соопштија дека ограничувањата се ублажени во регионот со хинду мнозинство Џаму.

Би можело да ве интересира

САД официјално ја потврдија ликвидацијата на синот на Осама бин Ладен

Пакистанскиот премиер го предводи антииндискиот протест за Кашмир

Кан: Пакистан на најстрог начин ќе реагира поради Кашмир

Ана Ололовска

Протести во Пакистан во знак на солидарност со Кашмир

Кан: Судир меѓу Индија и Пакистан би влијаел на цел свет

Пакистан успешно тестираше балистичка ракета

Ана Ололовска