Јужна Кореја денеска објави дека пациентите со благи симптоми на коронавирус ќе мора да се лекуваат сами за да се ослободат медицински ресурси за посериозни случаи.
Јужнокорејските власти од денеска ќе обезбедуваат нега само на пациенти постари од 60 години или оние со некои истовремени заболувања, додека други ќе мора сами да ја следат нивната состојба и да побараат лекарска помош од одредени клиники доколку состојбата им се влоши.
Медицинските комплети кои вклучуваат мерач на кислород во крвта, термометар и лек за температура, кои претходно беа достапни за сите пациенти кои се лекуваа дома, сега ќе се делат само на приоритетните групи. Тоа значи дека пациентите со благи симптоми или асимптоматските сега ќе мора да го купуваат на свој трошок.