Јункер: Постои вистинска опасност од Брегзит без договор

Од:

Претседателот на Европската комисија Жан Клод Јункер денеска изјави дека ризикот Велика Британија да ја напушти ЕУ без договор за излез се уште е „многу реален“.

Говорејќи пред Европскиот парламент, Јункер рече дека таквиот Брегзит „можеби е избор на Велика Британија, но никогаш нема да биде избор на ЕУ“.

Европскиот парламент денеска расправа за Брегзит и ќе усвои резолуција во која ќе ја изрази својата загриженост.

Главниот камен на сопнување во договорот за Брегзит е решението за ирската граница, таканаречениот „бекстоп“, според кој Велика Британија ќе мора да задржи некои трговски правила на ЕУ.

Јункер рече дека тој „не е сентиментално поврзан за бекстоп“, но оти е „врзан за целта на таа одредба“.

– Побарав од британскиот премиер да посочи алтернативни аранжмани кои ќе ги смисли, рече Јункер кој во понеделникот разговараше со премиерот Борис Џонсон.

Би можело да ве интересира

Макрон: Финализиран е договорот со Велика Британија

Подготвен е технички договор за Брегзит, се чека согласност на британската Влада

Татјана Ташкова

Туск: За седум часа ќе се знае кога ќе се случи Брегзит

Разговорите за Брегзит продолжуваат, уште многу прашања на маса

Брегзит: Последен ден преговори пред клучниот ЕУ Самит

Ана Ололовска

Џонсон утре ќа разговара со своите конзервативци за Брегзит

Ана Ололовска