Во следните пет години Јапонија има намера да донира на африкански држави државна и приватна помош од 31,9 милијарди долари за помош на развој на континентот и да ги поттикне јапонските фирми да инвестираат таму.
Тоа го изјави јапонскиот премиер Шинѕо Абе отворајќи ја петтата Токиска меѓунардона конференција за развој на Африка.
– Помошта ќе биде насочена за развој на инфраструктурата, здравството, економијата, појасни Абе.
Тој додаде дека во следните пет години Токио е подготвено да финансира професионална подготовка за над 30.000 специјалисти во африкански држави и да повика над илјада луѓе да работат во јапонски компании.
Претходно јапонската Влада веќе донесе одлука да обезбеди околу два милијарди долари за проекти за нафта, природен гас и другиминерални ресурси во држави од Африка.