Јапонија: Суга доби ривал за лидерската позиција во владејачката партија

Од:

Поранешниот јапонски министер за надворешни работи Фумио Кишида денеска го предизвика премиерот Јошихиде Суга, најавувајќи ја својата кандидатура за лидерската позиција во владејачката партија.

Најавата доаѓа во момент кога јапонскиот премиер се соочува со намален рејтинг пред општите избори.

Суга изјави дека ќе бара реизбор на 29 септември за време на „трката“ за функцијата претседател на Либерално-демократската партија (ЛДП), додека својата кандидатура ја објави и министерката за внатрешни работи Санае Такаичи.

Победникот најверојатно ќе биде избран и за премиер поради мнозинството кое го има ЛДП во Долниот дом на Парламентот.

– Луѓето чувствуваат дека нивните гласови не допираат до ЛДП, истакна 64-годишниот Кишида на прес-конференција, додавајќи дека се кандидира со цел да покаже дека ЛДП го слуша народот и е партија која нуди широк избор.

Суга (72) ја презеде премиерската функција минатиот септември со поддршка од околу 70 отсто, но неговиот рејтинг се намали под 30 проценти, во услови кога Јапонија се бори со најлошиот бран на зараза со Ковид-19.

Би можело да ве интересира

Случаите на самоубиства кај деца достигнаа досега невиден рекорд во Јапонија

А1он

ВИДЕО: Пожар во трафостаница кај Токио, без струја 236 илјади луѓе

Катерина Павлова-Николовска

Фумио Кишида ќе биде идниот премиер на Јапонија

Ана Ололовска

Премиерот на Јапонија го поздрави создавањето на пактот АУКУС

Јапонија, САД, Јужна Кореја ја повикаа Северна Кореја да се врати на преговорите за нуклеарно оружје

А1он

Јапонија: Бројот на банкротирани фирми поради анти-ковид мерките се зголеми за 49 отсто

А1он