Британскиот министер за здравство Мет Хенкок денеска изјави дека во Англија е воспоставена контрола врз пандемијата на коронавирусот и дека е подготвена во текот на неделава да излезе од „блокадата“ воспоставена на национално ниво.
– Повторно ја држиме ситуацијата под контрола, истакна Хенкок.
Англија треба да излезе од „блокадата“ оваа недела и да воведе помалку ограничувачки мерки за кои би гласал Парламентот.
Британската Влада претходно објави дека денеска се регистрирани 12.330 новозаразени, што е зголемување во споредба со претходниот ден кога имаше 12.155 случаи.
Во Британија, од почетокот на епидемијата, вкупно 1,629,657 лица се заразиле со коронавирусот.