Извештај на Националниот центар за образовна статистика: Рекорден број пукања во американските училишта во изминатите 20 години

Од:

Во текот на минатата учебна година се случиле вкупно 93 престрелки во приватни и државни основни и средни училишта низ САД. Во 43 случаи има загинати, а во 50 само повредени, се наведува во извештај. Пукањата во учебната 2020/2021 година достигнаа рекорден број во изминатите две децении.

dobivaj vesti na viber

Во текот на минатата учебна година се случиле вкупно 93 престрелки во приватни и државни основни и средни училишта низ САД. Во 43 случаи имало смртни случаи, додека во 50 случаи имало само повредени, според извештајот на 31 страница објавен од Националниот центар за образовна статистика (NCES), кој е дел од Институтот за образовни истражувања при Министерството за образование на САД.

Покрај овие инциденти, во учебната 2020/2021 г. имало и 53 престрелки во училиштата без повредени или убиства. Во учебната 2000/2001 г. години престрелки во кои имало повредени се случиле само во 23 училишта.

„Иако стапката на нефатални насилни инциденти во училиштата на возраст од 12 до 18 години е помала во 2019 година отколку во 2009 година, во 2021 година имаше повеќе престрелки во училиштата со последици по животот и здравјето отколку во која било друга година откако почнавме да собираме податоци во раните 2000-ти, со зголемување од 11 во 2009 година на 93 во 2021 година“, рече Пеги Г. Кар, комесар на Националниот центар за статистика на образованието.

Извештајот беше објавен само неколку недели по пукањето во основното училиште Роб во Џувалди, Тексас, во кое на 24 мај беа убиени 19 деца и двајца возрасни.

Инцидентот е само еден од неколкуте драматични престрелки низ САД.

Според Gun Violence Archive, невладина организација која го следи вооруженото насилство во САД, повеќе од 21.500 луѓе се убиени досега оваа година во САД.

Извор: МИА

Би можело да ве интересира

Реакции по обидот за убиство на Салман Ружди во Њујорк

Ана Ололовска

ВИДЕО: Писателот Салман Ружди избоден со нож додека држел предавање

Ана Ололовска

Вежби на армиите на САД, Индонезија, Австралија, Јапонија и на Сингапур на островот Суматра

Ана Ололовска

Америка укинува дел од мерките против Ковид-19

А1он

Рекорден раст на цените на храната во САД

Ана Ололовска

Бајден ги повика властите на Сирија да го ослободат американскиот новинар Остин Тајс

Ана Ололовска