Израелски војници денеска убија Палестинец, а ранија шестмина други за време на судири со луѓе кои фрлаа камења врз нив на Западниот Брег, соопштија палестински медицински претставници.
Инцидентот во градот Халул, во близина на градот Хеброн, се случил откако израелските војници влегле и затвориле менувачница.
Палестинското Министерство за надворешни работи го оквалификува убиството на 27-годишен маж како „егзекуција“ и повика на меѓународна заштита за Палестинците.
Во насилствата на Западниот Брег од јануари оваа година, беа убиени најмалку 47 Палестинци и 19 Израелци.
Извор: МИА